КХДРда 15 августдан эътиборан UTC+9 вақт минтақаси ўрнига UTC+8:30 вақт минтақасидан фойдаланиш бошланди. Бу ҳақда «Корреспондент.net» хабар бермоқда.
Вақт минтақасини ўзгартириш ҳақидаги бу қарор Корея яриморолининг Япония ҳукмронлигидан озод бўлганининг 70 йиллигига бағишланган.
Аввалроқ Жанубий Корея президенти Пак Кин Хе мазкур қарорни «афсусланарли» деб атаб, Шимолий Корея вақт минтақасининг ўзгариши Кореянинг Жануби ва Шимоли бирлашуви йўлида тўсиқ бўлиши мумкинлигини таъкидлаб ўтганди.
Бундан ташқари, Сеулнинг фикрича, вақтнинг ўзгариши икки мамлакат ўртасида ташкил этилган Кэсон саноат ҳудудининг фаолиятини ҳам мураккаблаштириши мумкин.
Ғарб нашрларининг қайд этишича, 1910 йили япон мустамлакасига айлангунига қадар бутун Корея UTC+8:30 вақт минтақасидан фойдаланган, бироқ 1912 йили Корея вақти Японияники билан бир хиллаштирилган.
Жанубий Корея ҳам 1954—1961 йиллар давомида, Япония ҳукмронлиги давридан узилиш белгиси сифатида, ўз вақт минтақасидан фойдаланиб келган, бироқ кейинчалик бу қарор бекор қилинган.
Изоҳ (0)