Россия президенти вакили Олий суддан мамлакат Қуролли кучларининг тинчлик давридаги йўқотишлари ҳақидаги ахборотнинг махфийлаштирилиши устидан берилган шикоятни рад этишни сўради. Бу ҳақда «Gazeta.ru» хабар бермоқда.
Аввалроқ бир гуруҳ адвокатлар ва журналистлар худди шундай шикоят билан Олий судга мурожаат қилганди, уларнинг фикрича, мазкур ахборотнинг махфийлаштирилиши фуқароларнинг инсон ҳуқуқлари бузилиши ҳақидаги маълумотларни олиш ҳуқуқини чеклайди.
«Мазкур шикоят қаноатлантирилиши керак эмас, шикоятчиларнинг барча таъкидлари шов-шув учун ва далиллар билан асосланмаган», — деди Путиннинг вакили.
Унинг сўзларига кўра, таклиф қилинаётган тузатиш амалдаги қонунчиликка зид эмас ва Россия Конституциясига мувофиқдир. Бундан ташқари, вакилнинг аниқлик киритишича, бу каби ахборотнинг ошкор этилиши мамлакат хавфсизлигига таҳдид уйғотиши мумкин.
Аввалроқ ҳарбийларнинг тинчлик давридаги йўқотишларини махфийлаштириш ташаббуси Россия бош вазири Дмитрий Медведевдан чиққани маълум бўлганди.
Изоҳ (0)