Донбассдаги қуролли низо бошланганидан бери Украинанинг 8 минг нафар милиция ходими ва ҳарбий хизматчиси айирмачилар томонига ўтиб кетди. Бу ҳақда Украина бош ҳарбий прокурори Анатолий Матиос маълум қилди, деб хабар беради Meduza.
Унинг қўшимча қилишича, ҳозирги вақтда бу каби одамларни жавобгарликка тортиш учун далиллар тўпланмоқда.
«Бизда тўлиқ рўйхат бор. Ҳозирги вақтда душман томонига ўтиб кетган 5 минг нафар ҳуқуқни муҳофаза қилиш ходими, 3 мингга яқин ҳарбий хизматчига алоқадор далилларни тўплаяпмиз, улар жавобгарликка тортилади», — Матиос.
Анатолий Матиос аввалроқ Донбассдаги низо ҳудудида минтақавий ҳарбий прокуратурани ташкил этиш режалаштирилаётганини эълон қилганди. Бош ҳарбий прокурорнинг қўшимча қилишича, Украина хавфсизлик хизматининг ҳам худди шундай бўлинмаси ташкил этилади.
Изоҳ (0)