АҚШ президенти Барак Обама ўз таътилининг бир қисмини мутолаага бағишлаш ниятида. Politico нашри хабарига кўра, унинг таътил учун мўлжалланган адабиётлар рўйхатидан олти китоб ўрин олган.
АҚШ президенти ҳордиқ давомида ўқиш учун Жеймс Солтернинг «Ҳаммаси борича», Энтони Доррнинг «Бизга кўринмас олам», Элизабет Колбертнинг «Олтинчи қирилиш», Жҳумпа Лаҳирининг «Пасттекислик», америкалик қора танли журналист Та-Нехиси Коутснинг «Мен ва олам орасида» ҳамда Рон Черноунинг «Вашингтон: Ҳаёт» китобларини танлаб олган.
Нашр АҚШ давлат раҳбарининг қайд этилган китобларнинг барчасини 16 кунда ўқиб чиқмоқчи эканлигини «улкан режа» деб атади, чунки бу ҳолатда ҳар бир китобни ўқиб чиқиш учун Обамада 2,5 кундан вақт бўлади.
Барак Обама, таътилни мароқли ўтказиш учун, 7 август куни оиласи билан бирга Массачусетс штатидаги Мартас-Винъярд курортига йўл олганди. Обама бу ерда президент сифатида олтинчи марта дам олмоқда.
Изоҳ (0)