Google асосчилари Ларри Пейж ва Сергей Брин янги Alphabet холдинг компанияси яратилгани ҳақида эълон қилди, дея хабар бермоқда Meduza. Қидирув тизими унга таркибий қисмлардан бири сифатидагина киради. Пейж айтишича, бу Google активларини бошқариш тузилмасини тушунарлироқ қилади.
Ларри Пейжнинг ўзи Alphabet’нинг ижрочи директори, Сергей Брин эса президенти бўлади. Google’ни бевосита бошқариш устидан назорат компания вице-президенти Сундар Пичаига ўтади.
АҚШ биржасидаги ёпилишдан кейинги савдоларда (after hours) Google акциялари беш фоизга қимматлашди. Alphabet биржаларда Google ўрнини эгаллайди, эски компания акциялари автоматик тарзда янги компания акцияларига айланади.
Изоҳ (0)