Испаниянинг Вильясека-да-ла-Сагра шаҳридаги байрам тантаналари вақтида бир киши буқанинг зарбидан вафот этди. Бу ҳақда «РИА Новости» хабар берди.
Мазкур ҳодиса сабаб бир ҳафта давом этиши керак бўлган байрам тадбирлари бекор қилинган.
Шаҳар мери Хесус Ихосанинг сўзларига кўра, асли қўшни Вильясекиля шаҳридан бўлган 32 ёшли эркак буқалар пойгасини мобил телефони орқали видеога олаётган вақтида унга орқадан яқинлашиб келган жониворни сезмай қолган.
Буқа шохи билан эркакнинг сонини сузган. Жабрланувчи зудлик билан Толедо вилояти касалхоналаридан бири етказилган, бироқ шифокорлар унинг ҳаётини сақлаб қола олмаган.
Изоҳ (0)