Хитой шарқидаги Аньхой провинциясида 9 август, якшанбадан бери тинмаётган «Соуделор» тайфуни туфайли 181 минг киши эвакуация қилинди. Бу ҳақда «ТАСС» хабар бермоқда.
Провинция маъмурлари маълумотига кўра, офат салкам 20 минг гектар экин майдонига зарар етказган, 562 та бино вайрон бўлган, яна 1,2 минг иморат шикастланган. Ушбу минтақа кўрган зарар 560 миллион юань ёки 91,5 миллион доллар деб баҳоланмоқда.
«Соуделор» Хитой соҳилларига 8 август, шанба куни ёпирилди. Ҳозиргача тайфун оқибатида 14 киши ҳалок бўлди, тўрт киши дом-дараксиз йўқолган.
Изоҳ (0)