Чеченистон раҳбари Рамзан Қодировнинг маълум қилишича, 2015 йилнинг май ойида тўйи катта шов-шувга сабаб бўлган 47 ёшли полициячи Нажуд Гучигов ва 17 ёшли Луиза Гойлабиева биргаликда бахтли ҳаёт кечирмоқда. Бу ҳақда «РИА Новости» хабар бермоқда.
«Улар бирга яшаяпти, ҳаётдан хурсанд, бир-бирини севади. Бу қариндошининг қўлини сўраб, сўнг турмуш қуриш билан боғлиқ биринчи ҳолат эмас», — деди Қодиров. Чеченистон раҳбари ОАВ ва ижтимоий тармоқларда тўй куни келин кўп ҳам бахтиёрдек кўринмагани ҳақидаги хабарлар ва фикрларга ўз муносабатини ҳам билдириб ўтди.
«Кавказ тўйларида келин йиғлайди. Мен YouTube’га кириб, кавказча тўйларни кўриб чиқдим. Чунки баъзи бировлар ёмон таъсир кўрсатяпти: биз ўз маданиятимиз, тўй ўтказиш удумларимизни йўқотяпмиз», — деди Қодиров.
«Шундай қилиб, видеоларни кўрдим. Уларнинг бирида катта ёшли келин эрга тегяпти ва йиғлаяпти. Бизда турмушга чиқаётган ҳамма қизлар йиғлайди. Тўйларимизда қизларнинг хурсанд бўлиши одат эмас», — деди Чеченистон раҳбари.
«Ҳаммада бир савол пайдо бўлди: келин нега хафа? Худдики, Чеченистон ва Россияда бундан бошқа муаммо йўқдек, жонли эфирлар вақтида, етакчи оммавий ахборот воситаларида шу ҳақда гапиришди», — дея қўшимча қилди Чеченистон раҳбари Рамзан Қодиров.
Изоҳ (0)