Халқ депутатлари Навоий вилоят Кенгашининг навбатдан ташқари олтинчи сессияси бўлиб ўтди, деб хабар беради «Дўстлик байроғи». Унда депутатлар, корхона ва ташкилот раҳбарлари, туман ва шаҳар ҳокимлари ҳамда ОАВ вакиллари иштирок этди.
Сессияни вилоят ҳокими, халқ депутатлари Навоий вилояти Кенгаши раиси Эркинжон Турдимов бошқариб борди.
Кун тартибида ташкилий масала кўриб чиқилди. Вилоят ҳокимининг капитал қурилиш, коммуникациялар, коммунал хўжалик ва ободонлаштириш масалалари бўйича биринчи ўринбосари лавозимига шу вақтга қадар НКМК ДК Бош директорининг ўринбосари вазифасида ишлаб келаётган Расулов Комилжон Исмоилович номзоди таклиф қилинди. Кўрсатилган номзод депутатлар томонидан бир овоздан маъқулланди.
Сессия якунида кўрилган масала юзасидан тегишли қарор қабул қилинди.
Изоҳ (0)