Вазирлар Маҳкамаси «Вазирлар Маҳкамасининг 2000 йил 29 июндаги ‘Биржадан ташқари валюта фондини янада ривожлантириш ва мустаҳкамлаш чоралари тўғрисида’ги 245-сон қарорига ўзгартиришлар киритиш тўғрисида»ги қарор лойиҳасини ишлаб чиқди, дея хабар бермоқда «Norma.uz».
Лойиҳага кўра, Тушумни мажбурий сотишни хорижий валютада амалга ошириш ҳақидаги янги низомни қабул қилиш ҳамда ташқи савдо операцияларини амалга оширишда амал қилиш шарт бўлган талабларни ўзгартириш кўзда тутилган.
Талабларнинг бир қисми ўз ҳолича қолади. Жумладан, хориждан валюта даромади келишининг кечикишида қўлланиладиган санкциялар, шунингдек, қайтадан санкция белгилашни тақиқловчи норма ҳам кучда қолади.
Лойиҳа мувофиқлаштириш босқичида турибди, у ўзгартирилиши ёки рад этилиши мумкин.
Изоҳ (0)