Бугунги кунга келиб Ягона интерактив давлат хизматлари порталига уланган давлат ва хўжалик бошқаруви, жойлардаги давлат ҳокимияти органлари, уларнинг тизим ва ҳудудий бўлинмалари сони 650 та етди. Бу ҳақда «Infocom.uz» хабар бермоқда.
Йил бошидан бери 27,4 мингта тадбиркорлик субъекти Интернет тармоғи орқали порталда рўйхатдан ўтган, 170,8 минг божхона юк декларациялари (умумий миқдордан 99,9%) электрон усулда расмийлаштирилди. Тадбиркорлик субъектларининг солиқ ва статистика ҳисоботлари тўлалигича электрон тарзда топширилишига эришилди.
Олий хўжалик суди томонидан кўриб чиқилган тадбиркорлик субъектлари томонидан электрон кўринишда тақдим этилган даъво аризалари сони 1,7 мартага ошди, 2398 та суд йиғилиши видеоконференция тартибида ўтказилди.
Изоҳ (0)