Бокс бўйича собиқ жаҳон чемпиони Виктор Ортис АҚШда қуролли босқинчилик учун ҳибсга олинди

Бокс бўйича собиқ жаҳон чемпиони Виктор Ортис АҚШда қуролли босқинчилик содир этганлиги учун ҳибсга олинди, деб хабар беради TMZ.

Ҳодиса 26 июль куни Пасадена шаҳрида (Калифорния штати), америкалик мусиқачи Кенни Чеснининг концерти бўлиб ўтаётган «Роуз Боул» стадионида юз берди. Ортис акаси билан томошабинлардан бири билан жанжаллашиб қолди ва боксчи эркакни ерга йиқитиб, бир неча марта зарба берди. Спортчи қуролини чиқаргандан сўнг, тартиб сақловчи ходимлар томонидан қўлга олинди.

Ҳибсга олинганидан бир неча соат ўтиб, Ортис 30 минг доллар гаров пули эвазига қўйиб юборилди. Жабрланувчининг аҳволи ва можаро сабаблари маълум қилинмади.