Хитойлик болалар «Реал»нинг ўйини олдидан Криштиану Роналду олдига тўпланиб олди (фото)

Sports.ru сайти 27 июль куни ўтказилган «Реал» ва «Интер» (3:0) иштирокидаги ўйин олдидан олинган суратларни намойиш қилди.

Учрашув бошланиши олдидан анъанага кўра, ҳар бир футболчи ўзи билан майдонга болаларни етаклаб чиқади.

Хитойнинг Гуанчжоу шаҳрида ўтказилган беллашув олдидан ҳам шундай бўлди.

Лекин Иско ва Тони Крооснинг олдида туриши керак бўлган болакайлар Криштиану Роналду олдига тўпланиб олди.

Португалиялик юлдуз хитойлик болаларнинг бу ҳаракатидан ҳайратини яширмади, шундай бўлса ҳам улар билан бажонидил суратга тушди.