Мексика термаси мураббийи журналистга мушт туширди

Футбол бўйича Мексика терма жамоаси бош мураббийи Мигель Эррера Филадельфия аэропортида журналист Кристиан Мартинолига мушт туширди, дея хабар бермоқда «Корреспондент.net».

Журналист маълум қилишича, Эррера унинг бўйнига урган ва таҳдид қилган. Ҳодиса Мексика жамоасининг КОНКАКАФ Олтин кубоги финалидаги ғалабасидан сўнг содир бўлган.

Хабарларга кўра, Мартиноли аввалроқ кўп бора мексикаликлар мураббийини танқид остига олган.