Британия қироличаси ўзининг Jaguar машинасида ёш оилани майсазор орқали айланиб ўтди. Воқеа 19 июль, якшанба куни Беркшир графлигидаги қасрни ўраб турувчи Катта Виндзор боғининг Лонг-Уок хиёбонида юз берди. Бу ҳақда «ТАСС» хабар беради.
Черковга шошилаётган 89 ёшли Елизавета II кўк Jaguar X-Type’ни ўзи бошқараётган бўлган. Газетада чоп этилган суратда унинг ёнидаги ўриндиқда фақат бир нафар қўриқчи ўтирганлигини кўриш мумкин.
Хиёбон маркази бўйлаб ёш оиланинг боласи билан велосипедда сайр қилаётганлигини кўрган қиролича уларни майсазор орқали айланиб ўтишга қарор қилган. Елизавета II уларга жилмайиб қўйишга ҳам улгурган.
«Биз ўз хаёлларимиз билан банд бўлганлигимиз учун йўлдан четга чиқишга улгурмасдик, шу сабабдан қироличанинг бизни айланиб ўтишига тўғри келди», —дейди тонгги сайрга чиққан Скарлет Винсент.
Буюк Британияда фақат қироличага ҳайдовчилик гувоҳномасисиз машина бошқариш ҳуқуқи берилган.
Изоҳ (0)