БААда диний тоқатсизлик ва таҳқирлашга қарши курашга қаратилган қонун қабул қилинди. «РИА Новости» хабарига кўра, қонун мазкур жиноятлар учун 10 йилгача озодликдан маҳрум этиш ва 1 миллион дирҳам (272 минг доллар) миқдорида жарима жазоларини қўллашни назарда тутади.
Қонун Худо, динлар ва пайғамбарларни ҳақорат қилиш, муқаддас китоблар ва зиёратгоҳларни булғаш, шунингдек, одамларни уларнинг дини, эътиқоди, ирқи, диний ёки миллий мансублигига асосланиб таҳқирлашни тақиқлайди.
Тоқатсизликка сабаб бўладиган ёки таҳқирлашнинг турли кўринишларини тарғиб этадиган ОАВ ёки ахборот тармоқларидаги исталган чиқиш, баёнот жиноят деб ҳисобланади.
Хусусан, қонун диний эътиқодидан келиб чиққан ҳолда бошқа одамларни «кофир» деб атаган шахсларга нисбатан вақтинчалик қамоқ жазосини қўллашни назарда тутади. Мазкур ҳолат қотилликка қасд қилиш билан бирга юз бериб, жиноятга сабаб бўлса, у ҳолда олий жазо — ўлим жазоси қўлланилади.
Изоҳ (0)