Украинанинг Львов вилояти Яворов полигонида жаҳоннинг 18 мамлакатидан келган 1,8 минг ҳарбий хизматчи иштирокида Rapid Trident машғулотлари бошланди. Бу ҳақда Meduza хабар бермоқда.
Украина машғулотлар учун 800 нафар зобит ва курсантларни юборди, яна 500 киши АҚШдан келган. Машғулотларда иштирок этаётганлар орасида Болтиқбўйи мамлакатлари, Грузия, Молдова, Германия, Буюк Британия ва Польша ҳарбийлари бор.
Украина Мудофаа вазирлиги ахборотида қайд этилишича, машғулотлардан кўзланган мақсад — Донбассдаги ҳарбий операция тажрибасидан келиб чиққан ҳолда ҳарбий хизматчиларнинг мудофаа ҳаракатларини олиб бориш кўникмаларини ривожлантиришдан иборат.
Вазирлик вакили Александр Поронюкнинг «112 Украина» телеканалига маълум қилишича, «машғулотлар сценарийси мамлакат шарқидаги воқеа-ҳодисаларга етарли даражада қатъий» боғланган.
«Аввалги ҳарбий машғулотларнинг сценарийлари учун хос бўлмаган бошқа форматдаги ахборот урушларига айниқса кўп эътибор қаратилмоқда», — дея қўшимча қилди Поронюк.
Львов вилоятида икки ҳафта давом этадиган Rapid Trident ҳарбий ўқув-машқларида қарийб 900 дона қурол-яроғ ва 130 га яқин ҳарбий автомобиль ва жанговар машиналардан фойдаланилади.
Изоҳ (0)