Britaniya qirolichasi o‘zining Jaguar mashinasida yosh oilani maysazor orqali aylanib o‘tdi. Voqea 19-iyul, yakshanba kuni Berkshir grafligidagi qasrni o‘rab turuvchi Katta Vindzor bog‘ining Long-Uok xiyobonida yuz berdi. Bu haqda “TASS” xabar beradi.
Cherkovga shoshilayotgan 89 yoshli Yelizaveta II ko‘k Jaguar X-Type’ni o‘zi boshqarayotgan bo‘lgan. Gazetada chop etilgan suratda uning yonidagi o‘rindiqda faqat bir nafar qo‘riqchi o‘tirganligini ko‘rish mumkin.
Xiyobon markazi bo‘ylab yosh oilaning bolasi bilan velosipedda sayr qilayotganligini ko‘rgan qirolicha ularni maysazor orqali aylanib o‘tishga qaror qilgan. Yelizaveta II ularga jilmayib qo‘yishga ham ulgurgan.
“Biz o‘z xayollarimiz bilan band bo‘lganligimiz uchun yo‘ldan chetga chiqishga ulgurmasdik, shu sababdan qirolichaning bizni aylanib o‘tishiga to‘g‘ri keldi”, —deydi tonggi sayrga chiqqan Skarlet Vinsent.
Buyuk Britaniyada faqat qirolichaga haydovchilik guvohnomasisiz mashina boshqarish huquqi berilgan.
Izoh (0)