Хитой шарқидаги Чжэцзянь вилоятида вайрон бўлган пойабзал фабрикаси қурбонлари сони 14 кишига етди. «РИА Новости» хабарига кўра, 33 киши турли даражада тан жароҳати олган.
Ҳодиса 4 июль, шанба куни Вэньлин шаҳридаги пойабзал фабрикасида юз берганди. Маҳаллий маъмурият бино қулашининг расмий сабабини ҳозирча маълум қилгани йўқ.
China Daily маълумотларига кўра, бино қулаганидан сўнг, тўққиз киши вайроналар остидан мустақил равишда чиқиб келган. Ҳодиса юз берган вақтда бино ичида 50 киши бўлгани айтилмоқда.
Изоҳ (0)