Колумбия президенти Хуан Мануэль Сантос 2 июль, пайшанба куни Боготада юз берган терактлар юзасидан мамлакат Хавфсизлик кенгашини фавқулодда йиғилишга чақирди, деб хабар беради «ТАСС».
Мамлакат ички ишлар вазири Хуан Фернандо Кристонинг сўзларига кўра, давлат раҳбари Перуга ишчи ташрифини муддатидан олдин тўхтатган.
«Президент юзага келган вазиятдан бохабар бўлиш ва хавфсизлик чораларига баҳо бериш учун Боготага жуда эрта қайтади», — деди Кристо.
2 июль куни Боготада иккита портловчи қурилма ишга тушганди. Натижада 10 киши жабрланди. Уларнинг ҳаётига ҳеч нарса хавф солмаяпти.
Такрорий терактларнинг олдини олиш мақсадида қўшимча 2 минг ҳарбий шаҳар кўчаларини назорат қилмоқда. Портлаш содир этганлар ҳақидаги маълумот учун 100 миллион песо (40 минг доллар) миқдорида мукофот эълон қилинди.
Изоҳ (0)