3 июлга ўтар кечаси Франция шимолидаги «Палюэль» атом электр станциясида ёнғин чиқди. Ёнғинни бартараф этиш ишларида 70 дан ортиқ ўт ўчириш машиналари иштирок этди, деб хабар беради «Сегодня.ua».
АЭС раҳбарияти ёнғинни ўчириш «алоҳида кўникмалар» талаб этгани, электр станциясининг барча ходимлари эвакуация қилинганини айтиб ўтди. Ёнғин натижасида радиация тарқалиши кузатилмади.
«Жабрланганлар йўқ, объектнинг хавфсизлиги билан боғлиқ ҳеч қандай муаммолар содир бўлмади», — деди АЭС вакили.
Айни вақтга келиб ёнғин ўчирилган, аммо ўт ўчирувчилар ҳар эҳтимолга қарши ҳодиса жойида навбатчилик қилмоқда.
Изоҳ (0)