Франциянинг Изер департаментида заводга ҳужум қилган Ясин Салхий ўз хатти-ҳаракатларининг сабабини маълум қилди, деб ёзади «Ведомости».
У одам ўлдириб, бошини узиб ташлаганлигини тан олди. Салхийнинг сўзларига кўра, бу ишга у «оиласи ва ишидаги муаммолар туфайли» қўл урган.
Нашр эслатишича, 26 июнь, жума куни Air Products компаниясининг газ баллонлари омборига ҳужум қилинди. Полиция маълумотларига кўра, 35 ёшли Салхий хизмат транспортида омбор ҳудудига кирган. Сўнг у ерда портлашлар содир бўлган. Компаниянинг икки ходими яраланган. Ҳудуддан боши узиб ташланган танани топишди, араб тилидаги ёзувлар туширилган бош эса панжарага осиб қўйилган эди. Полиция арабча ёзувли байроқларни ҳам топди. Ҳозирча ҳеч қайси террорчилик гуруҳи ҳужум учун жавобгарликни ўз бўйнига олганича йўқ.
Изоҳ (0)