Жиззах шаҳрида бугун, 26 июнда «Сўғдиёна» футбол клуби уй учрашувларини ўтказадиган янги стадион фойдаланишга топширилади. Бу ҳақда Ўзбекистон футбол федерацияси матбуот хизмати хабар бермоқда.
2013 йилда қурилиш ишлари бошланган «Сўғдиёна» спорт мажмуаси ҳозирги вақтда тўлиқ тайёр ҳолга келтирилган. Бугун ушбу мажмуадаги янги стадионда Олий лига 14-тур доирасидаги «Сўғдиёна» – «Қўқон-1912» ўйини бўлиб ўтади.
Таъкидлаш керакки, ушбу ўйингоҳ ўз бағрига 11 650 мухлисни сиғдира олади.
«Сўғдиёна» спорт мажмуасининг тантанали очилиш маросимида Ўзбекистон футбол федерацияси бош котиби Сардор Раҳматуллаев ҳамда Ўзбекистон Профессионал футбол лигаси бош директори Фарҳод Магометов иштирок этади.
Изоҳ (0)