Миср уч йиллик танаффусдан кейин ўз элчисини Исроилга қайтаради. Бу ҳақда Исроил бош вазири Беньямин Нетаньяҳу маълум қилди, деб хабар бермоқда «Корреспондент.net».
Исроил ҳукумати раҳбари элчининг қайтишини Миср ва Исроил ўртасидаги тинчликни мустаҳкамлайдиган «муҳим янгилик» деб атаган. Мисрнинг Исроилдаги дипломатик ваколатхонасини ташқи ишлар вазири ўринбосари Ҳазем Ҳайрат бошқариши кутилмоқда. У ўз ишига сентябрь ойида киришиши айтилган.
2012 йил ноябрда Исроил мудофаа армияси томонидан Ғазо секторига уюштирилган ҳаво ҳужумлари серияси оқибатида ХАМАСнинг ҳарбий бўлими раҳбари Изеддина ал Касама Аҳмад Жабарий ҳалок бўлгач Миср Исроилдан ўз элчисини чақириб олган эди. Муҳаммад Мурсий президентликдан четлаштирилиб, Абдулфаттоҳ Ас Сисий ҳокимият тепасига келгач, иккала мамлакат ўртасидаги муносабатлар яхшилана бошлаган.
Изоҳ (0)