Польшанинг энг йирик авиакомпанияси LOT’нинг ўндан ортиқ рейслари Фредерик Шопен номидаги Варшава аэропорти IТ-тизимига уюштирилган хакерлик ҳужуми туфайли бекор қилинди. Бу ҳақда авиакомпания матбуот хизмати хабар бермоқда.
Киберҳужум натижасида бир қатор тизимлар, жумладан парвозларни режалаштириш тизими ишламай қолди. Оқибатда парвоз учун зарур ҳужжатлар бериш мумкин бўлмай қолди.
Жами 11 та рейс, хусусан Варшавадан Краков, Гданьск, Мюнхен, Стокгольм, Дюссельдорф ва Копенгагенга парвозлар бекор қилинди. Натижада 1,4 минг йўловчи зарар кўрди. LOT’дагилар муаммолар ҳал қилингач, барча самолётлар жўнатилишини маълум қилди.
Изоҳ (0)