Россия футбол иттифоқи ўз расмий сайти орқали Россия терма жамоаси бош мураббийи Фабио Капеллонинг кейинги тақдири борасида расмий баёнот берди, деб хабар қилади «Газета.ru».
«Фабио Капеллонинг Россия миллий терма жамоасидан кетиши мумкинлиги ҳақида кеча пайдо бўлган хабарлар юзасидан Россия футбол иттифоқи шуни маълум қиладики, айни вақтда бу масала бўйича расмий қарор қабул қилинмаган.
Ушбу масала РФИ коллегиал органи (ижроқўм, ижроқўм бюроси)нинг тез орада ўтказиладиган мажлисида қабул қилинади. Қўшимча маълумотлар пайдо бўлган тақдирда, у дарҳол РФИнинг расмий сайтида эълон қилинади», — дейилади баёнотда.
Олдинроқ Россия спорт вазири Виталий Мутко Капеллони Россия термаси мураббийлигидан бўшатишга қарор қилгани хабар берилганди. Агар Капелло ишдан кетадиган бўлса, унинг ўрнини ЦСКА бош мураббийи Леонид Слуцкий эгаллаши мумкин.
Изоҳ (0)