Ўзбекистонлик Яҳё Имомов Будапештда ўтказилаётган дзюдо бўйича навбатдаги Гран-при турнирида ғолиб бўлди, деб хабар бермоқда «Sports.uz».
Ҳал қилувчи беллашувда франциялик Алайн Шмитга қарши бел олишган Имомов вазари баҳоси билан зафар қучди. Таъкидлаш жоиз, ушбу ғалабадан сўнг дзюдочимиз жаҳон рейтинги ва Рио Олимпиадаси учун ҳам қимматли рейтинг очколарини қўлга киритди.
Бронза медаллари грециялик Роман Моустопоулос ва германиялик Свен Марешга насиб этди. Афсуски, 100 килограммгача бўлган полвонлар беллашувида Рамизиддин Саидов бронза медали учун кечган беллашувда имкониятни бой бериб қўйди.
Изоҳ (0)