Малайзиянинг «Т-Тим» футбол клуби нигериялик ҳимоячиси Дэвид Ония ўртоқлик учрашуви вақтида хушини йўқотганидан сўнг, ҳаётдан кўз юмди. Бу ҳақда ТАСС хабар бермоқда.
Футболчи Кота-Бару шаҳрида «Келантан» жамоасига қарши учрашувнинг 3-дақиқасидаёқ хушини йўқотган. У шу заҳоти касалхонага юборилган, бироқ шифокорлар унинг ҳаётини сақлаб қола олишмаган.
«У юрак хуружини бошдан кечирди, агар тез ёрдам машинаси ҳайдовчиси ўз ўрнида бўлганида эди, ҳаммаси умуман бошқача бўларди. Ония хушини йўқотган вақтда ҳайдовчи трибунада бўлган», - деди «Т-Тим» президенти Зайн.
Футболчининг касалхонада вафот этгани маълум бўлганидан сўнг, ўйин 60-дақиқада тўхтатилган. Маълумот учун, Дэвид Ония бир неча йил давомида Ўзбекистоннинг «Динамо» (Самарқанд) ва «Бухоро» жамоаларида тўп сурганди.
Изоҳ (0)