14 июнга ўтар кечаси Грузия пойтахти Тбилисида кучли жала қуйиши натижасида пойтахтнинг бир нечта туманлари сув тошқини остида қолди, дея хабар бермоқда Meduza.
Шаҳарда кўчалар ўпирилиб, кўплаб бинолар кучли зарар кўрди. Турли маълумотларга кўра, қурбонлар сони 8 дан 11 нафаргачани ташкил этади. 40 га яқин оила бошпанасиз, 22 минг киши чироқсиз қолди.
Вере дарёси тошиб кетиб, Тбилиси ҳайвонот боғини сувга ғарқ қилди, натижада 30 та жонивор у ердан қочиб кетди. Уларнинг баъзилари, жумладан бўрилар касалхона ҳудудига кирганида ўлдирилди. Қолганларини қидиришмоқда, уларга тинчлантирувчи восита солинган капсула отиб, ҳайвонот боғига қайтаришмоқда.
Изоҳ (0)