14-iyunga o‘tar kechasi Gruziya poytaxti Tbilisida kuchli jala quyishi natijasida poytaxtning bir nechta tumanlari suv toshqini ostida qoldi, deya xabar bermoqda Meduza.
Shaharda ko‘chalar o‘pirilib, ko‘plab binolar kuchli zarar ko‘rdi. Turli ma’lumotlarga ko‘ra, qurbonlar soni 8 dan 11 nafargachani tashkil etadi. 40 ga yaqin oila boshpanasiz, 22 ming kishi chiroqsiz qoldi.
Vere daryosi toshib ketib, Tbilisi hayvonot bog‘ini suvga g‘arq qildi, natijada 30 ta jonivor u yerdan qochib ketdi. Ularning ba’zilari, jumladan bo‘rilar kasalxona hududiga kirganida o‘ldirildi. Qolganlarini qidirishmoqda, ularga tinchlantiruvchi vosita solingan kapsula otib, hayvonot bog‘iga qaytarishmoqda.
Izoh (0)