Голливуд киноюлдузи, БМТнинг эзгу ният элчиси ҳисобланган Анжелина Жоли Африка мамлакатлари етакчиларини аёлларга нисбатан зўравонликка қарши курашга чақирди. Бу ҳақда ТАСС хабар бермоқда.
«Аёлларга қарши жиноятлар учун, айниқса, низоли ҳудудларда жазонинг амалда йўқлиги қуролланган гуруҳлар зўравонликни қурол сифатида янада кенгроқ қўллаётганликларини билдиради», - деди Жоли Африка Иттифоқининг навбатдаги саммити арафасида.
Актрисанинг сўзларига кўра, урушлар сабаб 50 миллион аҳоли ўз уйларини ташлаб чиқишга мажбур ва уларнинг ярмини аёллар ва болалар ташкил этади. Зўравонлик бутун дунёда мавжуд, бироқ Африка аёллари бундан нисбатан кўп жабр чекишмоқда.
«Зўравонлик қурбони бўлаётган аёллар ва болалар сони ортиб бормоқда, ўқувчи қизларни эса жинсий эҳтиёжлар учун қулга айлантиришмоқда. Турли мамлакатлар ва бутун дунё иқтидорли авлодларни йўқотмоқда», - деди Жоли.
«Буларнинг бари низоларни олдини олиш ва тўхтатишга қодир эмаслигимиз билан бевосита боғлиқ, бу ҳодисалар чексиз-чегарасиз қайғу-аламларга сабаб бўлмоқда», - дея қайд этди эзгу ният элчиси.
Изоҳ (0)