Ўзбекистон Вазирлар Маҳкамаси ўзининг 28 майдаги қарори билан И. М. Губкин номли Россия нефть ва газ университетининг Тошкентдаги филиалига 2015/2016-ўқув йили учун қабул квотасини тасдиқлади. Бу ҳақда UzDaily хабар берди.
ОТМга қуйидаги олтита таълим йўналишида 150 кишини қабул қилиш режалаштирилган:
«Геологик разведка технологияси» — 25;
«Нефть ва газ қудуқларини ковлаш» — 25;
«Нефть қазиб олиш объектларидан фойдаланиш ва хизмат кўрсатиш» — 25;
«Газ қазиб олиш, газ конденсати ва ерости сақлаш объектларидан фойдаланиш ва хизмат кўрсатиш» — 25;
«Корхона ва ташкилотлар иқтисодиёти» — 25;
«Tрубопровод транспорти объектларини жиҳозлаш ва таъмирлаш» — 25 киши.
«Газ қазиб олиш, газ конденсати ва ерости сақлаш объектларидан фойдаланиш ва хизмат кўрсатиш» йўналишига қабул қилинадиган 25 талабанинг 10 нафари Lukoil Uzbekistan Operating Company маблағлари ҳисобидан ўқитилади. Корхона шунингдек «Tрубопровод транспорти объектларини жиҳозлаш ва таъмирлаш» йўналишидаги 5 нафар талабанинг ўқишини ҳам молиялаштиради.
Изоҳ (0)