Миллиардер Алишер Усмоновнинг турмуш ўртоғи, Ирина Винер-Усмонованинг отаси, ўзбекистонлик рассом Александр Винер хотирасига бағишлаб Тошкентда очилган суратлар кўргазмаси доирасида «Александр Винер» китоб-альбоми тақдим этилди. Бу ҳақда Kultura.uz хабар бермоқда.
Ўзбекистон Маданият ва спорт ишлари вазирлиги, Ўзбекистон Бадиий академияси ва Халқаро рассомчилик фонди билан ҳамкорликда чоп этилган ушбу каталог учун суратларни тошкентлик фотография устаси Наби Ўтарбеков олган.
Китоб рассомнинг кириш сўзи билан бошланади, муқаддима эса санъатшунослик фанлари доктори Нигора Аҳмедова томонидан ёзилган. Китобда, шунингдек, санъатшунослик фанлари доктори Рафаил Такташ ва санъатшунослик фанлари номзоди Лариса Шостконинг Винернинг ижодига бағишланган қизиқарли мақолалари ўрин олган.
Изоҳ (0)