Россиянинг олти олий таълим муассасаси шанба куни Тошкентда очилган «Таълим ва касб-2015» халқаро кўргазмасида иштирок этмоқда. «РИА Новости»нинг хабар беришича, 2 июнь куни кўргазма Самарқандга кўчади ва 4 июнь куни Бухорода ўз ишини якунлайди.
Марий давлат университети ва Ижевск давлат техника университети Ўзбекистондаги мазкур кўргазмада илк бор иштирок этмоқда. Ижевскдаги ОТМ вакиллари Тошкент давлат университети билан ҳамакорлик тўғрисида битим имзолади.
«Келишувга кўра, ўзбекистонлик талабалар бизда ўқишади, келаси семестрдан бошлаб эса бизнинг ўқитувчиларимиз Тошкент давлат техника университетида маърузалар ўқийди», - деди Ижевскдаги ОТМ қабул комиссияси масъул котиби Александра Губерт.
Ҳозирги вақтда Россияда ўзбекистонлик 12 минг нафар талаба таҳсил олмоқда, Тошкентда эса Россиянинг учта — Москва давлат университети, Плеханов номидаги Россия иқтисодиёт университети ва Губкин номидаги Россия давлат нефть ва газ университети филиаллари фаолият олиб бормоқда.
Изоҳ (0)