КХДР етакчиси Ким Чен Иннинг синглиси — 28 ёшли Ким Ё Чжон 50 кун кўринмай кетиб, биринчи марта омма олдида намоён бўлди, дея хабар бермоқда ТАСС. Корея Марказий телеграф агентлиги хабарига кўра, у ҳарбий қисмлардан бири қошидаги боғдорчилик хўжалигига қилинган ташриф чоғида акасига ҳамроҳлик қилган.
Апрель ойида Жанубий Корея разведкаси Ким Ё Чжон ҳомиладорлиги ва май ойида кўзи ёришини тахмин қилган эди. Корея Республикаси ОАВлари унинг узоқ вақт давомида кўринмай кетганини шу версия билан боғлади ва фотосуратларда у «семириб кетган» ҳолатда бўлганини қайд этди.
Ким Чен Иннинг синглисини сўнгги марта 12 апрель куни акаси билан Пхеньян аэропортининг иккинчи терминали қурилишига борганида кўришган.
Маҳаллий ОАВлар ёзишича, Ким Ё Чжон ўтган йили КХДРдаги энг обрўли амалдорлардан бири — Бош сиёсий бошқарма бошлиғи Чхве Рен Хэнинг ўғлига турмушга чиққан.
Изоҳ (0)