Россиянинг Яҳудийлар мухтор вилоятида икки ёшли бола бешинчи қаватдан йиқилиб, тирик қолди, дея хабар бермоқда вилоят тергов бошқармаси сайти. Унинг оёғи синган ва бошқа жойларидан ҳам лат еган.
Болакай мустақил равишда балконга чиқиб, шу ерга териб қўйилган ғиштлар устига кўтарилган ва панжарадан энгашиб, пастга қулаган. Айни пайтда бола шифокорлар назорати остида, унинг ҳаётига ҳеч нарса хавф солгани йўқ.
Дастлабки маълумотларга кўра, бола хонадонда қаровсиз қолган. Отаси ишга кетган, онаси алкоголь истеъмолидан сўнг уйқуда бўлган.
Терговчилар ушбу ҳолат бўйича текширув олиб бормоқда. Жиноят иши қўзғатиш масаласи ҳал этилмоқда.
Изоҳ (0)