Ўзбекистондаги қатор тижорат банклари 27 май куни хорижий валюталарни жисмоний шахсларга сотиш бўйича операциялар (конверсия операциялари) тўхтатилгани тўғрисидаги хабарларга раддия эълон қилди, дея хабар бермоқда «Газета.uz».
Ипотека банк, Ўзсаноатқурилишбанк, Ипак йўли банки, Алоқабанк, Қишлоқ қурилиш банки, Туронбанк ва бошқа банклар сайтларида қайд этилишича, банкларнинг конверсия операциялари бўйича бўлимлари Ўзбекистон Республикаси Президентининг 2013 йил 30 январдаги «Жисмоний шахсларга хорижий валютани сотиш тартибини янада либераллаштириш чора-тадбирлари тўғрисида»ги ПҚ–1914-сонли Қарорида кўзда тутилган талабларга мувофиқ ишламоқда.
Эслатиб ўтамиз, аввалроқ Ўзбекистон Республикаси Марказий банки Россия ОАВларида муассаса томонидан жисмоний ва юридик шахслар учун валюта операциялари тўхтатилгани ҳақидаги хабарни расман рад этиб чиққан эди.
Изоҳ (0)