Шу йилнинг 27—30 май кунлари Тошкентда халқаро кўламда TextileExpo Uzbekistan-2015 ҳамда Фарғона шаҳрида 10—12 июнь кунлари Ўзбекистонда биринчи маротаба «Ўзбекистон инфратузилмаси — Фарғона водийси-2015» Халқаро ҳудудий кўргазмаси бўлиб ўтади, дея хабар бермоқда «Туркистон-пресс».
Ушбу кўргазма олдидан бўлиб ўтган матбуот анжуманида таъкидланишича, Ўзбекистонда пахта толасини қайта ишлаш ҳажми 50 фоизга етган (ўтган йили 45%), бу 480 минг тонна демакдир.
Бугунги кунда мамлакатда тўқимачилик ва енгил саноатга ихтисослашган 3000 дан ортиқ корхоналар рўйхатга олинган.
TextileExpo Uzbekistan-2015 12-Халқаро кўргазмасида замонавий матоларни яратиш технологиялари, катталар ва болалар кийимларини тикиш воситалари, хорижнинг етакчи ишлаб чиқарувчиларидан фурнитуралари ҳамда маҳаллий ишлаб чиқарувчиларнинг тайёр маҳсулотлари намойиш қилинади.
Жорий йилда TextileExpo Uzbekistan-2015 кўргазмасида Беларусь, Ҳиндистон, Индонезия, Хитой, Латвия, Литва, Польша, Туркия, Россия ҳамда Япония каби мамлакатлардан 70 дан ортиқ компаниялар иштирок этади.
Изоҳ (0)