O‘zbekistondagi qator tijorat banklari 27-may kuni xorijiy valyutalarni jismoniy shaxslarga sotish bo‘yicha operatsiyalar (konversiya operatsiyalari) to‘xtatilgani to‘g‘risidagi xabarlarga raddiya e’lon qildi, deya xabar bermoqda “Gazeta.uz”.
Ipoteka bank, O‘zsanoatqurilishbank, Ipak yo‘li banki, Aloqabank, Qishloq qurilish banki, Turonbank va boshqa banklar saytlarida qayd etilishicha, banklarning konversiya operatsiyalari bo‘yicha bo‘limlari O‘zbekiston Respublikasi Prezidentining 2013-yil 30-yanvardagi “Jismoniy shaxslarga xorijiy valyutani sotish tartibini yanada liberallashtirish chora-tadbirlari to‘g‘risida”gi PQ–1914-sonli Qarorida ko‘zda tutilgan talablarga muvofiq ishlamoqda.
Eslatib o‘tamiz, avvalroq O‘zbekiston Respublikasi Markaziy banki Rossiya OAVlarida muassasa tomonidan jismoniy va yuridik shaxslar uchun valyuta operatsiyalari to‘xtatilgani haqidagi xabarni rasman rad etib chiqqan edi.
Izoh (0)