Жанубий Корея офтальмологлари 17-23 май кунлари давомида Бухоро шаҳрида 300дан ортиқ аҳолисини кўрикдан ўтказади, шунингдек, 80 кишини катарактани олиб ташлаш ва кўз гавҳарини алмаштириш бўйича операция қилади. Бу ҳақда UZ24 хабар бермоқда.
Хабар беришларича, Бухоро ва Навоий вилоятида яшовчи, кам таъминланган кекса ёшдаги фуқаролар жанубий кореялик офтальмологларнинг хизматларидан фойдаланишлари мумкин.
Кўрик ва жарроҳлик амалиётлари Жанубий Кореянинг Vision Care халқаро ташкилоти томонидан Бухоро вилояти кўп тармоқли тиббиёт марказида амалга оширилмоқда. Бундан ташқари, республика офтальмолог-шифокорлари учун маҳорат машғулотлари ҳам ўтказилмоқда.
2014 йил апрелида худди шундай тадбир Фарғона вилояти офтальмология касалхонасида Осиё Маданият ва тараққиёт институти билан ҳамкорликда Daewoo International корпорациясининг молиявий кўмагида амалга оширилган эди. Ўшанда 250дан ортиқ киши кўрикдан ўтказилган, 84 киши операция қилинган эди.
Изоҳ (0)