Нукус шаҳри марказий қисмида дин йўлида қурбон бўлган табиб Пантелеимон шарафига муқаддаслаштириладиган православ черкови қурилиши режалаштирилмоқда. Бу ҳақда, Тошкент ва Ўзбекистон епархияси матбуот хизматига асосланиб, «Газета.uz» хабар бермоқда.
Бўлажак қурилиш масалалари Қорақалпоғистон Жўқорғи Кенеси раиси Муса Ерниязов, Нукус ҳокими Жалгасбай Ўпаев ва Ўрта Осиё митропол округи Тошкент ва Ўзбекистон митрополити Викентий ўртасида 18 май куни бўлиб ўтган учрашувда муҳокама қилинди.
Ҳозирги вақтда Нукусда дин йўлида қурбон бўлган Пантелеимон шарафига муқаддаслаштирилган ибодатхона фаолият олиб бормоқда. Умуман, Ўзбекистон бўйлаб ҳозирги вақтда 38 православ черкови фаолият олиб бормоқда.
Изоҳ (0)