Тошкентда зилзила кузатилди

Тошкентда эрталаб тахминан 8:33 да кучли бўлмаган зилзила кузатилди.

Европа—Ўртаер денгизи сейсмология маркази хабарига кўра, 5,5 магнитудали зилзила Тожикистон ҳудудида содир бўлган. Ер силкиниши эпицентри Душанбедан 123 км шарқда 10 км чуқурликда жойлашди.

Зилзила пайтида нима қилиш керак?

• Бино ичида бўлсангиз, стол ёки стул тагига кириб олинг. Шу йўл билан тепадан қулаши мумкин бўлган нарсалардан (масалан, девор парчасидан) ҳимояланасиз;
• Эшик тагида (эшик жойлашган оралиқда) туриб олинг. Улар бинонинг бошқа қисмларига қараганда мустаҳкамроқ бўлади;
• Агар ташқарида бўлсангиз, бино, дарахт, сув ёки электр симларига яқин борманг. Электр узаткичлари сувга қулаши натижасида унга яқин турганлар учун ўта хавфли вазиятни юзага келтириши мумкин;

• Машинада бўлсангиз, машина ичидан чиқманг. Лекин у бино, девор ёки бошқа қулаши мумкин бўлган объект яқинида турган бўлса, ташқарига чиқиб, автомобилингиз ёнида чўккалаб туринг.
• Зилзила тўхтаганидан кейин ҳам хавфсиз жойдан чиқмасдан, бироз кутиб туринг. (Манба: wikihow.com)