БМТ бош котиби Пан Ги Мун 13 май, чоршанба куни Покистоннинг Карачи шаҳридаги терактни қоралади ва мамлакат ҳукуматини жавобгарларни одиллик билан суд қилиш учун «барча зарур чораларни кўриш»га чақирди. Бу ҳақда ТАСС хабар бермоқда.
Бош котибнинг расмий вакили Стефан Дюжаррик сўзларига кўра, Пан Ги Мун шунингдек, Покистон ҳукуматини «мамлакатдаги диний озчилик гуруҳларни самарали ҳимоя қилишга қаратилган тезкор тадбирларни қабул қилиш»га даъват этади.
«Покистон, халқаро ҳамжамиятнинг масъул аъзоси сифатида, барча фуқаролари, жумладан озчиликлар вакиллари ҳимояси бўйича ўз мажбуриятларини бажариши керак», — деди Дюжаррик.
Эслатиб ўтамиз, Покистоннинг Карачи шаҳрида автобус ўққа тутилиши натижасида, сўнгги маълумотларга кўра, 45 киши ҳалок бўлди.
Ҳужум Сафура Гот туманида содир бўлди. Номаълум жангарилар исмоилийларнинг «Ал Азҳар Траст» хайрия ташкилоти автобусига қарата ўт очди.
Кейинроқ ушбу теракт учун жавобгарликни иккита террорчилик гуруҳи — ИШИД ва «Жандалла» ўз бўйнига олди.
Изоҳ (0)