Америкалик ҳамшира Флоренс Ригни 90 ёшлик юбилейини иш жойида нишонлади. Metro’нинг хабар беришича, Вашингтон штатининг Такома шаҳрида истиқомат қилувчи ва ҳозирги вақтда ҳафтасига икки кун ишлаётган аёл ўз меҳнат фаолиятини 1946 йилда бошлаган.
Ригнини табриклаб ҳамкасби Марти Шулц YouTube’га видео жойлаштирган. Бир неча кун ичида видеони 100 мингдан ортиқ марта томоша қилишган. Кекса ҳамширани штат губернатори Жей Инсли ҳам табриклаб, унга мактуб йўллаган.
Табриклар учун миннатдорчилик билдирган Ригни улар томонидан кўрсатилаётган эътибор ўзи учун жуда ҳам муҳимлигини айтиб ўтди. «Бугун тонгда уйғонганимда: «Ё Худо, 90 ёшга тўлдим», - деб ўйладим. Бундан 90 йил аввал дунёга келгандим, ишонгинг келмайди», - деди ҳамшира.
Флоренс Ригни 1925 йили туғилган, коллежни битирганидан сўнг касалхонага ишга кириб, қарийб 69 йил шу ерда ишлаган. Ригни фаолиятиаги ягона танаффус у 67 ёшга тўлиб, нафақага чиқишга қарор қилганида кузатилган. Бироқ орадан беш ой ўтиб, у касалхонага қайтишга қарор қилган. Ҳозирги вақтда у операция ҳамшираси ҳисобланади.
https://youtu.be/9JtriJkFmm0
Изоҳ (0)