Эрон армияси бош штаби раҳбари ўринбосари генерал Масуд Жазаeри Эроннинг Яманга гуманитар ёрдам юбораётган «Эрон шоҳид» кемасига ҳужум қилишга журъат қилган ҳар қандай давлатга қарши уруш очилишини айтиб ўтди, деб хабар қилади «Kommersant.ru».
«Эрон шоҳид» кемаси 2,5 минг тонна гуманитар ёрдам билан Яманнинг Ҳодейда портига 11 майда йўл олди. Кема 12 май куни тунда қабул қилинган 5 кунлик ярашув сулҳи вақтида Яманга етиб бориши керак эди.
«Эроннинг Қизил ярим ой кемасига ҳужум қилиш минтақада урушни келтириб чиқаради. Бу оловни ўчириш ёки уни назорат қилишнинг имкони йўқ», — деди Жазаeри.
Ўз навбатида араб коалицияси генерали Аҳмед Асири Эроннинг гуманитар ёрдами жамланган кемани олдиндан тузилган келишувсиз ва БМТнинг розилигисиз коалиция Яманга ўтказмаслигини айтиб ўтди.
Изоҳ (0)