Бангладешлик блогер ва ёзувчи Бижой Дас сешанба куни мамлакат шимоли-шарқидаги Силхет шаҳрида ўлдириб кетилди. Бу ҳақда ТАСС хабар бермоқда.
Тўрт номаълум шахс Бижойга катта ханжарлар билан ҳужум қилган. Ҳужумдан сўнг шифохонага етказилганига қарамай, у жароҳатлар сабаб вафот этган.
Бу Бангладешда йил бошидан бери блогерлар ўлими боғлиқ учинчи ҳолатдир. Февраль ойи бошида Бангладеш пойтахтида Аживит Рой ўлдириб кетилганди.
Рой ва Дас Бангладешдаги сўз эркинлиги учун курашарди, иккиси ҳам ҳукуматни ўз ҳамкасбларини ҳибсга олгани учун танқид қилган, шунингдек, атеизм нуқтаи назаридан ёндашгани ҳолда Ислом динининг замонавий аҳволи ҳақида фикр юритган.
Изоҳ (0)