Фирибгарлик, машина ўғирлаш ва бошқа бир қатор жиноятлари учун 4 марта судланган самарқандлик фуқаро бу ишлардан тўғри хулоса чиқармади, деб ёзади «Ҳуқуқ» газетаси.
У машина сотиб олиш истагида юрган бир кишини топди ва «Nexia» русумли машинаси борлигини айтиб, ҳозир пулнинг бир қисмини, қолганини 3 йил ичида олишга келишиб олди. Улар телефон рақамларини алмашиб, бир кундан сўнг учрашадиган бўлди.
Эртаси куни фирибгар туманларга қатнайдиган киракашнинг машинасига чиқди. Бошқа одам олмаса, ҳайдовчининг сўраган пулини беришини айтди ва улар йўлга тушди. Ҳайдовчи йўл-йўлакай дўконга кирганида, айнан шу фурсатни пойлаб турган фирибгар машинани олиб қочди.
У харидор билан боғланиб учрашув жойини белгилади. Аммо ёқилғи қуйиш шохобчасида навбатда турганда, ИИБ жиноят қидирув бўлими ходимлари уни қўлга олди. Суд ҳукми билан машина ўғриси 5 йил-у 6 ой муддатга озодликдан маҳрум қилинди.
Изоҳ (0)