Самарқанд вилояти Пахтачи туманининг мактабгача таълим муассасаларидан бирига мудира этиб тайинланган фуқаро фурсатни ғанимат билиб муассасага ажратилган бюджет маблағлари ва ота-оналар бадалларини талон-тарож қилишга киришди, деб ёзади «Ҳуқуқ» газетаси.
Бу йўлда унга қўл остидаги ходимлари кўмакчи бўлди. Мудира ҳисобчи билан келишиб, икки йил давомида ўз номига ноқонуний равишда жами 11 миллион 956 минг сўм иш ҳақи ёздириб олди. Муассаса раҳбарининг ўриндошлик асосида ишлашга рухсат этилмаган бўлса-да, у жисмоний тарбия йўриқчиси, психолог ва кирчи вазифалари учун ўзининг номига табеллар тўлдирди. Натижада 3 миллион сўмдан ортиқроқ иш ҳақига эга чиқди.
Бу билан ҳам қаноатланмаган раҳбар қўл остидаги ходимлар – ҳисобчи, хўжалик ишлари бўйича мудира ва ҳамшира билан жиноий тил бириктирди. Сарфланаётган озиқ-овқат маҳсулотларини ҳақиқатда ишлатилганига нисбатан кўп кўрсатиб, ҳужжатларни қалбакилаштирди. Уларнинг бундай қилмиши оқибатида 74 ҳолатда 10 миллион 159 минг 200 сўмлик озиқ-овқат маҳсулотлари талон-тарож қилинди.
Мудира ва унинг шериклари йиллар давомида содир этган қинғирликлари учун ўз жазосини олди.
Изоҳ (0)