«Ўзтрансгаз» акциядорлик компанияси Тошкент шаҳри ва вилоятида табиий газни ҳисоблаш устидан назоратнинг автоматлашган тизимини жорий этиш бўйича лойиҳани амалга оширишга киришмоқда, дея хабар бермоқда Uzbekistan Today.
Лойиҳа маиший сектор учун босим паст бўлган тармоқларда газни масофадан туриб ҳисоблашга мўлжалланган 1,04 миллионта ускуналарни ўрнатишни назарда тутади. Биллинг тизими ва тегишли алоқа тизими яратилади. Компания маълумотларига кўра, Ўзбекистонда ҳар бир истеъмолчига йилига ўртача 3 минг кубометр табиий газ тўғри келади.
Лойиҳа келаси йили якунланади. Барча ишларнинг умумий қиймати 217,3 миллион долларга баҳоланмоқда. Лойиҳа Ўзбекистон Тикланиш ва тараққиёт жамғармасининг 100 миллион долларлик кредити, «Ўзтрансгаз»нинг 65,2 миллион долларлик хусусий маблағлари ва тижорат банкларининг 52,1 миллион долларлик кредитлари ҳисобидан молиялаштирилади.
Изоҳ (0)