Чеченистон раҳбари Рамзан Қодиров қарғалар галасини чеченистонлик муҳандислар томонидан ишлаб чиқилган учувчисиз учар мослама ёрдамида қувиб юборди. Янги моделнинг синови акс этган видеороликни у ўз Instagram’ига жойлади.
«Бугун кутилмаганда учар мосламанинг аэропортда йўловчи, юк ёки ҳарбий самолётлар учиши ва қўниши олдидан қарғалар ёки бошқа қушлар галасини қувиб юбориш имкониятини кашф қилдим», — деб ёзди Чеченистон раҳбари.
Унинг сўзларига кўра, бу мини учар қурилманинг биринчи синови эмас. Бироқ бу сафар мослама баландлик, тезлик ва чаққонлик бўйича янги кўрсаткичларни қайд этган.
https://www.youtube.com/watch?v=BH5wWOTKBa4
Изоҳ (0)